Festus Hamalwa 

EENHANA- Oshiputudilo shopaungoba shEenhana oshivike sha dja ko okwa li sha unganeka efiku longalonawa omo ovanailonga kwa li tava kufa ombinga momaludi oudano a yooloka.

Ovanailonga okwa li ve li kokapale komaudano kosekundefikola Haimbili Haufiku.

Okwa li tava kufa ombinga yomaludi oudano ngaashi: okatanga kokeemadi, okulotoka, okatanga komokambamba nosho tuu.

Efiku eli ola fimana kovanailonga molwaashi ola hanganifa ovanailonga okuhafela pamwe.

Omupopiliko woshituputudilo shEenhana VTC Jakobina Kambonde
okwa ti efiku e li ota li xwaxwamemeke oukumwe kovanailonga tashi pitile momaudano.

Okwa ti ovanailonga okwa li va hafa ve udite etumba okukala tava kufa ombinga mefiku lavo longhalonawa.

“Efiku longhalonawa yopaunhu ola fimana koilonga shaashi ota li
xwaxwameke omudingonoko muwa koilonga osho yo okukelela po ombili nokumwe,” ta ti.

Okwa ti efiku longhalonawa lopaunhu ota li twikile okuningwa omudo keshe shaashi ola fimana kovanhu.

Okwa pandula ovanailonga eshi va kufa ombinga molwaashi eshi otashi ulike oukumwe nelongelokumwe.