Victoria Immanuel

Esukulo lyemanya lyomuhukingalo kwali Omunamibia ali a tseyika nawa Ras Sheehama olya ningwa mOlyomakaya komayendo Anamulenge Roman Catholic moshitopolwa shaMusati.

Omukulukadhi gwe Saskia Sheehama, aakwanezimo nookume oyali ya gongala okudhimbulukwa nokugalikana pamwe sho emanya lyomuholike gwawo ta li suukulwa.

Ras okwa li a hulitha momasiku gatano gaSeptemba omumvo gwayi sho ali i ikutha omwenyo, iimangeleke.

Okwa li ena omimvo 59. Okwa tseyikila oongalo dho reggae. Rash okwa li ayi kombanda momumvo 1979 no kwa galukile moshilongo momumvo 1990.

Okwa thigi ko omukulukadhi gwe oyaana yaheyali naatekulu omugoyi osho wo aamwayina.

Omumwayinakadhona Wilhelmina Sheehama okwa popi kutya mumwayina haye kwa li ta pumbwa ehungomwenyo, uuna ali ena uudhigu oshoka ye mwene okwa li omuhungimwenyo, omugandjimayele osho wo omupukululi. Sheehama ngoka ali a popile ko wo aamwayina okwa ti, Ras okwa li ha popi kutya kape na omuntu kena uudhigu, kehe gumwe ota vulu okuteka po. Aamwayina oya dhimbulukwa mumwayina onga omuntu gombili, gwaantu ayehe, ehole kehe gumwe ye kehole omahokololo osho wo omalwaambo.

“Ras okwa li ena oshisho na kehe gumwe ke na kutya olye, ena nenge kena sha. Thimbo limwe oto adha e li naanona mboka haya zi momapandaanda kohi yoontopa, ta topola ohole ye nayo,” ta ti ngaaka.

Ta ti, oya kala yena ekwatathano ewaanawa namumwayina oku za aashona sigo ya koko.

Ta hokolola kutya ota dhimbulukwa sho a kala noku ya ganda kutya, ngele ya gongola ina ya hokola aantu, ihe naya kundathane shoka tashi tungu.

“Omumwameme okwa kala ena onkalo ya pumba, iha tongola aantu, ihe oha taamba ko kehe gumwe kashi na kutya oku na uukwatya wuli ngiini,” ta popi ngaaka.

Sheehama okwa hokola kutya sho ya kala kosikola, Ras okwe ya longo okukala ku yo yene nokwiithikamena po.

Ta ti okwa kala noku ya honganitha kosikola, teya lundile opo eya lwithe, ihe ngele ya sindwa mboka ye ya dhenga ohaya dhengwa ishewe kuRas.

“Oshoka okwa li tuya shona ina tu tseya kutya nani okwa li ta tu longwa okukala kutse yene uuna tuli muudhigu,” ta ngaaka –vkaapanda@nepc.com.na