Omushikingalo Strauss Lunyangwe ngono a shiwika nedhina Mr Makoya otaka pititha okavidio kongalo yaye ndjono opo ya piti tai ithanwa NAM NAM. NAM NAM okwa tulwakumwe nokunyanyangidhwa ku Chris Wayne.

Ongalo ndjino oyi li mongundu yongalo dhono dha tseyika nawa onga Eekwaito.

Moonkundathana naNew Era, Mr Makoya okwa li a holola kutya ongalo ndjika oyi li pandondo yopauyuni na otayi ka landithwa meni nosho wo pondje yoshilongo.

Ta tseyitha wo kutya mokavideo ka NAM NAM otaka longa pamwe nomadhina omanene moshikandjo shomayinyanyudho mono mwa kwatele omupeviminista gwehongo, aanyasha, omithigulululwakalo nomawudhano Dino Ballotti, Iike Platt, Daniel Filipovic, Leticia Kurtz nosho wo omushikigalo a tseyika nawa moshilongo Jericho.

Mr Makoya ta tseyitha wo kutya ongalo ndjika otayi ka kala yimwe yomoongalo dhoka tadhi ka pita no Album ya ye ye dhina Tycoon.

“Oalbum oyi li pokupwa noyi li nale peepelesenda omilongo o90 okupwa. Ngeenge ayihe oyeende nawa onda dhiladhila ngeno ndi yi pitithe muNovemba,” Mr Makoya ta holola ngaaka.