Namibia na South Africa ove li manga oukuni kumwe oku ka tonatela efuta olo la kwatakanifa oilongo ivali kumwe.

Etwo kumwe eli, oleya moilonga konima Namibia na South Afriva va didilika eembautu novanhu tava kwata eeshi mefuta olo la hanganifa oilongo ei shi heli paveta.

Omukulunhu wokupatolola efuta laNamibia Hafeni Mungungu okwa ti fiyo opapa ova kwata ombautu imwe oyo ya hangika neetona deeshi o32, tai ongaonga noku kwata eeshi mefuta laNamibia osho yo laSouth Africa.

Mungungu okwa ti opatolola otai ka kwata oule womafiku 25. Ta holola kutya opatolola yomefuta otai ka kala pokati koilongo ivali.

“Oha tu ka kala tu li mekwatafano liwa na South Africa unene okuninga opatolola yopashinanena, oha tu ke li lopotelafana keshe eshi tashi li nyenge pokati komafuta, noku ka tukila ovanhu ava tava kwata eeshi shi heli paveta onghatu,” ta ti.

Mungungu okwa twikila kutya efimbo limwe onghalo yomhepo ohai kala ya piyaana unene, nohai dulu okukala yaya oilonga yopatolola moshipala. Ashike ngeenge oilongo ei oye li hange pondodo apa aishe, nena otave ke shi hangakanena oshikumhungu shopatolola, vafye oshisho kutya kape na ombautu tai vake eeshi mefuta. Okwa twikila kutya ova didilika omwaalu weembautu da fika po 94, tadi patolola mefuta nomeembautu omo omwa kanghamekwa dili o 12 odo da didilikwa tadi kwata eeshi opo di dule okuhadwa nokuningilwa omapekapeko.

“Eembautu 12 twa kangheka otwa didilika tadi kwata eeshi shi he li paveta omo nano domudo da futifwa,” ta ti.

Oshivike sha dja ko, eembautu dili 76 odo da didilikwa da li tadi tavakana efuta laSouth Africa noda ningilwa omapekapeko ku kwaashilipalekwe lela kutya ina di humbata eeshi ile eedjo dikwao domefuta. Oilongo ivali oya tokola okulongela kumwe momukalo wokupatolola efuta pokati koilongo opo i dule okuninipalifa oulunga weedjo domefuta. Etwokumwe eli, ota li ka nghonopaleka osho yo okunenepeka kwatafano nelongelo kumwe laNamibia naSouth Africa ngeenge tashi ya keendjo domefuta.