Hambeleleni Daniel

Omushikingalo Wilbard Frans a shivika nawa nedina Omukengeli Womayele omukalimo womoWindhoek ota yandje etumwalaka liwa moshiwana li na sha nonghalamwenyo okupitila mokwiimba eengalo daye.

Wilbard okwa ti okwa tameka okushika eengalo mu Juni 2025.

Okwa ti okwa kwatwa komhepo yokushika eengalo eshi a kala nokupwiikina eengalo momundingonoko wavo ngeenge tadi dana, okupwilikina omaimbilo ngee a ya kongeleka osho yo koradio meumbo.

“Onde shi dimbuluka mo nokutya okwiimba eengalo osho ashike oshinima tashi dulu okuyambula nge po osho yo okutwa ovakwashiwana vakwetu omukumo,” Wilbard ta ti.

Okwa ti oha imbi eengalo domufyuululwakalo woshiwambo osho yo omaimbilo opamhepo.

Wilbard okwa ti okwa tuwa omukumo kovashikingalo vokondje yoshilongo osho yo vamwe vomoNamibia.

Ovashiki ngalo vomeni loshilongo ava vemu twa omukumo ongaashi: Drawler Loco Sound, Devymore na Young T. Omanga kondje yoshilongo: Diamond Platnumz omushikingalo waTanzania.

Omukengeli Womayele okwa ti mokushika eengalo okwe li longa mo shihapu ngaashi okulonga noudiinini nokukala elineekela muye mwene.

Okwa ti okangalo kaye kamwe oko a shika po otaka ti “Oku kwata omitima,” oko naye ehole tau pumo. 

Womayele okwa holola kutya oshimaliwa osho shimwe shili eshongo la kula ngeenge tashi ya kovashikingalo ava opo tave ya mowela.

Okwa ti ohava longo noudjuu opo va kale va futa eestudio varecordinge eengalo davo nouvidio osho yo okulandifa.

“Kashili lela shipu okukala to longo oove auke uhe na omukwateli komesho ashike ame ohandi longo noudiini. Handi longifa omalungula opo ovasapoti vange va kale va mo na nge,” ta ti.

Wilbard okwa ti paife okwe li pyakidila nokangalo kamwe nokwa hala okukala eka pitifa diva.

Okwa ti okwa hala okulongela kumwe novashikingalo vakwao opo ashike ta dulu okushipondola.