Hambeleleni Daniel 

Ovanambelewa vonhele yokupungula omiti mOshakati oyo yedina Oshakati Medical Store oye li nyika komilungu Etitano okunghonopeka ekwatafano liwa pokati koipangelo yakula noipangelo vashona.

Okwa li ya ninga omutumba Etitano peembelewa davo. Ameni Munyika owo eli omunambelewa womiti okwa holola kutya okwa hala omiti di kale hadi va fiki pefimbo eli vedi pula. Omutumba ou owa li koshi yexuku: ‘okuyambu po ovanambelewa vomiti, okuva pa ounongo opo va dule okulonga oilonga yavo velitula mo. Munyika eshi okwe shi popya pefimbo lomusha oo kwali va unganeka ponhele yavo mo 25 Septemba 2026.

Oshivilo eshi okwa li sha etelela ovanhu okudja koihakulilo ya yooloka yepangelo osho yo yopaumwene ngaashi Ondibo,Omufiya,Ongenga,Ondangwa naikwao ihapu.

Okwa ti omutumba ou owa fimana molwaashi ovanailonga vamwe ka kwali veshi oinakuwanifa yomo Medica Store. Ta ti vamwe kave shi kutya omiti ohandi etwa mo ngahelipi nomukalo ou hau longifwa opo dipite mo diye keenhele oko da pumbiwa.

“Elalakano opo mushiive kutya meembonge dakula ohatu longo ngahelipi, onhele oifike peni nonghee hatu mu nyamukula,” Munyika ta ti. Okwa ti onhele yavo oyo hai yandje omiti koihakulilo aishe yokonooli ngaashi Ohangwena,Oshana,Omusati nOshikoto.

Okwa ti onhele yavo oili lela tai dana onghandangala mokuyadja omiti.

Munyika okwa ti natango ei omhito iwa opo ovapangi vashiive omashongo oo navo va taalela ngee tashi ya kounamiti.

-hambelelenindaniel56@gmail.com