Ouministeli woukumwe wopailongo nomangeshefelo owa kunghilila Ovanamibia tava talele po ile vena ehalo lokutalela po oDemocratic Republic of Congo (DRC) opo va kale ohanda noku li amena komukifi webola oo wa tukuka nowe li hanena oDRC.

Ouministeli owa yelifa kutya oshilongo sha Congo osha kala nokuyakula oikonga ya fika po80 000, nomoikonga omo omwa lopotwa ovanhu 3 901 va xulifa molwa omukifi webola. “Keshe Omunamibia ena omadiladilo okutalela po oshilongo eshi, na kale afya oshisho kutya moshilongo otadi mo lela ena eshi taka ninga ashike ngeenge oku keli udifa ashike nawa, nena ngaho ota tula ashike onghalamwenyo yaye moshiponga,” ouministeli tau kumaida oshiwana ngaho.

Omukifi ou vati owa etwa kwaasho hashi ufanwa Bundibugyo Species osho she li hanena oshilongo sha Congo, novanhu va kwatwa komukifi webola neudo oya pitilila pomwaalu wovanhu ovo va li va kwatwa kebola okudja momudo 2018 fiyo 2020.

Congo natango okwa didilikwa onga oshilongo shitivali mounyuni hashi kala noikonga ili pombada yomukifi webola.

Ouministeli owa ti ngeenge Ovanamibia ovai koshilongo eshi ndele tava kwatelwa ko kebola, otashi ka kala shidjuu okuyandja omakwafo opaunamiti kuvo.

Ouministeli natango owa yelifa kutya keshe Omunamibia a hala oku ya koCongo na kale eli shangifa kombelewa oyo ya kalela po oshilongo moKinshasha kutya otaka talela po moCongo.

Ouministeli owa holola elongelokumwe noshilongo shaCongo nowa ti ouli pamwe navo pefimbo e li loundjuu.

Ouministeli natango owa yelifa kutya Namibia ota kendabala okuyandja omakwafo a pa ta dulu mokuyambidida DRC moshikumhungu eshi.

-taimihaihambo2000@gmail.com