Македонскиот кикбокс обезбеди уште еден медал по вториот ден натпревари на Светското јуниорско првенство кое се одржува во Италија.

По Петар Лозановски, најмалку бронза обезбеди и Глигор Николов кој во категоријата до 67 килограми во Лоу Кик-помлади јуниори во четвртфиналето го победи Гркот, Јоанис Апостолу.

Николов сега го очекува полуфиналето во желбата да дојде и до битка за злато на шампионатот.

Претходно, Лозановски во категоријата до 60 килограми во Лоу Кик-помлади јуниори, во четвртфиналната пресметка го победи Вук Ловриќ од Србија и со тоа обезбеди полуфинале.