ЕКИПА во Луцерн, Швајцарија
Владимир Булатовиќ

Македонија синоќа го одигра, можеби најдоброто полувреме во Лигата на нациите низ септемвриско-октомврискиот собир, но сето тоа залудно кога како „балон пукна“ низ вториот дел од мечот за нов убедлив пораз во Б-дивизијата, овој пат на гостувањето против Швајцарија со 3-0.

Aгон Елези по мечот даде кратка изјава…

„Голема штета, особено после одличното прво полувреме. Некако како да не е судено да го дадеме тој гол. Игравме против многу силна селекција, која што играше четвртфинале на Светското првенство, а малку фалеше да биде и полуфиналист. Во првото полувреме бевме егал, а можеби и подобри во поседот на топката и по шансите.

Го дадовме максимумот, но не беше доволно. Навистина ми е многу жал за овој народ кој што дојде во голем број тука, за сите во Македонија, но најмногу за нас. Одлична група сме, сите работиме чесно, а првото полувреме е надеж дека конечно работите ќе тргнат на подобро. Се надевам дека за брзо ќе го израдуваме овој народ“, рече Елези.