ЕКИПА во Луцерн, Швајцарија
Владимир Булатовиќ

Македонија го одигра, можеби најдоброто полувреме во Лигата на нациите низ септемвриско-октомврискиот собир, но сето тоа залудно кога како „балон пукна“ низ вториот дел од мечот за нов убедлив пораз во Б-дивизијата, овој пат на гостувањето против Швајцарија со 3-0.

Џани Алиоски за првпат беше дел од тимот во овој септемвриско/октомври циклус. По мечот тој вели дека лесно е да се критикува, но сега треба повеќе да се учи…

„Тешко ни е по поразот. Покажавме дека имаме квалитет и може да играме фудбал. Лесно е да критикуваме и младите. Селекторот ни даде шанса на сите и мора да учиме од овие порази и грешките. Две грешки, два гола е и повеќе од доволно Швајцарија да го реши победникот. Мора да веруваме бидејќи оваа генерација многу пати покажа дека може да се врати“, изјави Алиоски.