Кошаркарите на Црвена звезда по двата порази на стартот од сезоната во Евролигата, влегоа во победнички ритам и вечерва ја забележаа четвртата победа во низа. Последна жртва на „црвено-белите“ е Париз кој е совладан со 90:81.

Во белградска „Арена“, „црвено-белите“ одлично го започнаа натпреварот и по првата четвртина имаа двоцифрена предност (28:18). Домашните кошаркари продолжија да ги контролираат случувањата на паркетот и на одмор замина со предност од 46:36.

Во третиот период, беа уште подобри и дојдоа до плус 19 (77:58), но потоа следеше пад во играта и будење на кошаркарите на Париз кои се приближија на само пет поени негатива (82:77). Но, „црвено-белите“ успеаја да избегнат комплетен пресврт и да го решат натпреварот во своја корист.

Чима Монеке со 23 поени беше најдобар кај Црвена звезда каде двоцифрен број поени постигнаа уште Батлер (13), Нвора (12), Ѓуришиќ и Оџелеје (11). Кај Париз, најрасположен за игра беше Етиен кој даде 24 поени.

Еден двата главни фаворити за титулата, Панатинаикос го доживеа првиот пораз во Евролигата и тоа пред своите гледачи во „ОАКА“ арената. По петте победи на стартот, Панатинаикос е поразен од Хапоел Тел Авив со 79:87.

По израмнетото прво полувреме во кое и двата тима имаа свои моменти, во третата четвртина, првиот удар го зададе Хапоел кој по поените на Елајџа Брајант поведе со 59:68. На стартот од последната четвртина, гостите имаа и двоцифрена предност (61:71), но Панатинаикос одговори со серија 11:0 за водство од 72:71.

Потоа следуваше период во кој се играше на поен за поен, се до две минути до крајот кога Брајант и Ледеј дадоа пет поени за 78:84. Гостите успеаја да ја зачуваат предноста до крајот и да слават со 81:91, за четврти триумф во Евролигата. Зек Ледеј со 17 поени ја предводеше листата на стрелци кај Хапоел, додека кај Панатинаикос најдобар беше Силван Франциско со 22 поени.