Рафиња ги надмина проблемите со повредата поради која ги пропушти последните две средби на Барселона и ќе биде во комбинација за утрешниот дуел против Бетис.

Гостувањето во Севиља ќе биде сериозен предизвик прет претстојното Ел Класико, па одлично за Флик е што за адут ќе го има Бразилецот кој е најдобар стрелец на Барса сезонава. Барса славеше на последните два меча против Хетафе и Галатасарај на кои голгетерот не беше во тимот, но сега проблемите со повредата заработена на репрезентативната пауза се минато и тој ќе биде во тимот на катлаонскиот гигант.

„Подготвен е и ќе може да игра. Дополнително ќе решиме колку бидејќи пред нас се тешки мечеви во низа и ќе мораме да внимаваме на здравјето на фудбалерите. Ако го прашате Рафиња, ќе ви каже дека е подготвен да игра по 90 минути на секој натпревар“, изјави Флик на денешната прес-конференција.

Воедно, тој обелодени и дека Френки де Јонг конечно е „фит“ по повредата поради која Холанѓанецот беше „во аут“ уште од стартот на сезонава. Каталонските медиуми тврдат дека поради фактот што Родри е незаменлив во средниот ред, Флик почнал со експерименти на тренинзите во кои Де Јонг го користел како централен дефанзивец во тимот.